Iker Irribarriak irekiko du Ordizia Rugbyk antolatutako Garagardo Festa
Igandera arte egongo da aukera Garagardo Festara gerturatzeko.
Ordizia Rugby Elkarteak antolatuta 20. Garagardo Festari ekingo diote gaur, 18:30etik aurrera. Urtero, pertsonaia ezagun batek eman ohi dio irekiera eta aurten Iker Irribarria pilotari aramarrak izango du ardura hori.
Igandera arte, Ordiziako Beti Alai pilotalekuan, 22 garagardo desberdin dastatzeko aukera egongo da. Edatekoari laguntzeko, jatekoa ere ez da faltako. Gaur 18:30ean irekiko badute ere, bihartik aurrera 18:00etatik 00:00etara egongo da irekita.
Bestalde, Ordizia Rugby Elkarteko materiala ere salgai jarriko dute. Horrez gain, hurrengo denboraldirako bezkidetza berritu eta lehenengoz egiteko aukera ere egongo da.
