Martzelo Lasa oroitzeko ekitaldia egingo dute Olaberrian
Aranzadi Zientzia Elkarteak Lasaren gorpuzkiak emango dizkie senideei
Martzelo Lasaren senideak, Nafarroako Gobernuko ordezkariak eta Aranzadikoak, iazko irailaren 1ean, Lizarrustin, gorpuzkiak aurkitu berritan. Martzelo Lasa Zeberio oroitzeko ekitaldia egingo dute etzi, hilak 30, Olaberriko udaletxean. Joan den urteko irailaren 1ean aurkitu zituzten lurperatuta Lasaren gorpuzkiak Lizarrustin, eta igandeko ekitaldian Aranzadi Zientzia Elkarteak kideek familiaren esku utziko ditu. Olaberritarra 1936ko abuztuaren 25ean desagertu zen, eta iaz haren hezurra aurkitu arte, ez zen haren berririk izan. Aranzadiren eta familiaren laguntzarekin aurkitu zituzten gorpuzkiaren arrastoak, eta DNA frogak egin ondoren, harenak direla ziurtatu dute.
Igandeko ekitaldia 12:00etan hasiko da, eta udaleko, familiako eta Aranzadi elkarteko kideek ez ezik, Gogora institutuko eta beste hainbat herritar eta gonbidatuk parte hartuko dute.
