Sasi pilota txapelketa 22ra heldu da
Goizane Irastorza - Janire Lopez eta Peru Elosegi - Ion Aranzabe bikoteek irabazi dute Zaldibiako Gazte Festetan egiten den Sasi pilota txapelketa.
Zaldibiako Gazte Festen barruan egiten den Sasi pilota txapelketak 22. edizioa zuen aurten. 22ra heldu dira, era berean, Goizane Irastorza – Janire Lopez eta Peru Elosegi – Ion Aranzabe bikoteak.
Irastorza eta Lopez lehengusuak dira, eta nabaritu da elkarrekin bikain moldatzen direla. 15an utzi dituzte Maren Mendizabal eta Sara Etxabe, gaur elastiko gorriarekin. Gizonezkoetan, berriz, estuago joan da finala. Hodei Irastorzak eta Aimar Garmendiak, hauek ere gorriz, gertu izan dute garaipena, baina azkenean 22 eta 19ko emaitzarekin, Elosegik eta Aranzabek jantzi dute txapela.
Emaitzak:
| Emakumeak: | |||
| Goizane Irastorza – Janire Lopez (urdinez) | 22 | Maren Mendizabal – Sara Etxabe (gorriz) | 15 |
| Gizonak: | |||
| Peru Elosegi – Ion Aranzabe (urdinez) | 22 | Hodei Irastorza – Aimar Garmendia (gorriz) | 19 |
