Sute batek kalteak eragin ditu Urretxuko supermerkatu batean
Saltokiko biltegian piztu da sutea 22:00ak aldera. Suhiltzaileek berehala itzali dute, sutea gehiago zabaldu aurretik.
Sute batek susto ederra eman die bart gauean Urretxuko Labeaga kaleko bizilagunei. Bertan dagoen supermerkatu batean piztu da sua 22:00ak aldera, antza denez, biltegian zegoen komuneko paperak su hartu eta gero zabaldu da. Inguruko etxebizitzetako bizilagunak atera egin dituzte prebentzioz. Suhiltzaileek berehala itzali dute sua, eta normaltasuna itzuli da herrigunera. Kalte materialez gain, ez da bestelakorik egon, sua gehiago zabaldu aurretik itzaldu baitute.
