Madalena jaiak Alegin
Uztailaren 22an ospatuko dute jaietako egun handia, bien bitartean arratsaldean hasi eta gaueraino festa giroz gozatzen ari dira auzotarrak
Itsasoko Ostatuko Manu paella egiten hasten 
Alegiko frontoi ondoan paella erraldoia egiten ari dira eta gauean 108 auzotar inguru hura dastatzeko elkartuko dira. Alegi Madalena jaietan murgildurik dago eta, Madalena Eguna astelehenean den arren, ostiraletik ospatzen ari dira auzoko jaiak. Gaur, afaldu ondoren bingo herrikoia jokatuko dute eta DJ Gorrotxa arituko da musika jartzen.
Bihar etenaldia egingo dute eta astelehenean Madalena Eguna ospatuko dute:
- 12:00. Meza nagusia. Bukaeran Izazpe abesbatzaren emanaldi laburra eta Gabiriako Goruntz dantza taldearen erakustaldia. Jarraian hamaiketakoa eskainiko dute.
- 17:00. Puzgarriak haur eta gaztetxoentzat.
- 19:30. Madalena dastaketa saioa Itsasoko Manu eta Aidaren eskutik. Edari dastaketa eta pintxoak egongo dira eta DJ Gorrotxak musika jarriko du.
