Termometroak 40 gradura iritsi dira Goierrin
Eguraldi iragarpenak bete egin dira Goierrin eta bero itogarria egin du; termometroak 40 gradu inguruan ibili dira
Eguraldi iragarpenek ez dute huts egin eta bero handia egin du gaur egun osoan Goierrin, bereziki arratsaldeko lehen orduetan. Ordiziakn Euskalmet euskal meteorologia agentziak duen estazioan 40 graduko maximoa neurtu da 15:00etan. Ez dira zenbaki horretatik urruti ibili Zumarragan eta Zegaman jasotako datuak; Zumarragan 37,3 gradu neurtu dira 14:10ean, eta Zegaman 36,7 gradu 13:50ean. Beasainen, berriz, Nafarroa etorbideko optika batek duen termometroan 42 graduko neurketa ikusi ahal izan da 18:00 inguruan (irudian).
Arratsaldeak aurrera egin ahala zerua lainotu egin da eta haizea hasi da, baina tenperaturak ez dira asko jaitsi.
Biharko ere bero itogarria iragarri du Euskalmetek.
