Bihar hasiko du 2019-2020 denboraldia Beasainek
Beasain K.E.-ko lehen taldeak bihar emango dio hasiera denboraldiari, aurrean S.D. Deusto izango du. Partida 18:00etan Loinatzen izango da.
Beasaingo lehen taldea. / Argazkia: Loinaz Agirre. Jose Luis Riberaren jokalariak uztailaren 15ean hasi ziren entrenamentuekin, egun berean aurkeztu zuten 2019-2020 denboraldirako Beasainen lehen taldea. Liga hasi aurretik 6 lagunarteko partidu jokatu dituzte, ondorengo taldeen aurka: Real Sociedad B, Alaves B, Tolosa, Amorebieta, Lagun Onak eta Cultural Durango.
Azken hauen aurka jokatu zuten denboraldi-aurreko azken partida, 1-2 galdu zuten beasaindarrek. Bihar S.D. Deusto garaitu beharko dute hiru puntuak eskuratzeko. Partida Loinatz futbol zelaian jokatuko da, arratsaldeko 18:00etan.
