Garagardo azoka antolatu du Aldapa Haundik Legorretan
Legorretako XII. Garagardo Azoka egingo dute bihar, Aldapa Haundi elkarteak antolatuta. Eguerditik hasita, edatekoa, bazkaria eta musika izango dituzte.
Legorretan dute hitzordua garagardozaleek, bihar, larunbata, garagardo azoka egingo baitute, eguerdian hasita. Autengoa 12. edizioa izango da eta hasiera-hasieratik bezala, Aldapa Haundi elkartea da antolatzailea.
Azokaren irekiera 12:30ean izango da. Aurten, gainera, bazkaria emango dute. Bazkarian parte hartzeko, aldez aurretik txartelak erosi behar ziren. Bazkariak ematen 13:30ean hasiko dira. Bazkalondoa luze joango da, izan ere Oñatiko Xuxuma taldearen kontzertua izango da
Etxekoa ere aukeran
Horrelakoetan ohikoa den moduan, garagardo mota desberdinak egongo dira aukeran. Antolakuntzako kideek aurreratu dutenez, bost izango dira: beltza, rubia, ipa, tostatua eta gariz egindakoa. Bosten artean bat, tostatua, Legorretan ekoitzia da gainera. Basabe garagardoa da eta oraindik probatu ez duenak aukeran izango du.
Garagardo azokarekin lortutako dirua, Aldapa Haundik urtean zehar beste ekimen batzuk antolatzeko bideratuko da.
