Gure Zirkuak Araman bukatuko du aurtengo bira
Urriaren 25etik azaroaren 3ra bitartean hamalau emanaldi egingo ditu Gure Zirkuak Araman. Sarrerak bihartik aurrera jarriko dituzte salgai.
Aurretik Ordizian eta Urretxun ere izana da Gure Zirkua ikuskizuna // Argazkia: Aimar Maiz 
Gure Zirkuak laster bukatuko du aurtengo emanaldien bira, eta agur esateko, Arama aukeratu dute. Urriaren 25etik azaroaren 3ra bitartean, guztira hamalau saio egingo dituzte bertan. Eguneko bi izango dira, gehienak, arratsalde eta iluntzetan.
Aramako saioetarako sarrerak bihar, 09:00etatik aurrera jarriko dituzte salgai, Ordiziako Vicuña Sport dendan, edo Eventbrite webgunearen bidez.
