Santanderreko Bathcoren aurka jokatuko du Ampo Ordiziak etxean
Igandean 12:00etan jokatuko dute Altamira zelaian.
Igandean errugbi sesio bikoitza izango da Ordiziako Altamira zelaian. Ampo Ordizia eta Bathco Rugby Santander lehiatuko dira sub-23 mailan lehenik. Hori 10:00etan izango da. Ondoren, 12.30ean Ohorezko Mailako mutilen txanda izango da. Ligako bosgarren jardunaldia izango da bigarrenenetzat.
Kantabriako taldea aurten igo den arren bikain moldatzen ari da. Orain arte jokatutako 4 partidetatik 3 galdu dituzte, baina ezin da ahaztu 3 defentsa bonus lortu dituztela eta garaipena oso eskura izan dute. Une honetan, sailkapen nagusian 10. postuan daude 8 punturekin.
Marotias eta Garmendiaren mutilak sailkapen nagusian seigarren postuan daude 12 punturekin eta momentuz Play Off postuetan daude. El Salvadorren aurrean galdu ondoren garaipena lortzera aterako dira Goierrikoak.
