Minbiziaren Aurkako Elkarteak diru bilketa egingo du Goierrin
Bihar Olaberrian eta larunbatean Beasaingo Odolki Egunean izango dira Goierriko boluntarioak.
AECC Minbiziaren Aurkako Elkarteak diru bilketa egingo du Goierrin, datozen egunetan. Bihar, Olaberriako Carrefour merkatal zentroan jarriko dute mahaia. Eta larunbatean, Beasaingo Odolki Egunean izango dira, 10:00etatik 13:00etara, Gernika pasealekuan. Goierriko eta Urola Garaiko batzarreko 20 boluntario ariko dira bilketa lan horretan.
Bilduko den dirua AECC Gipuzkoa 2019 Erronkara bideratuko dutela jakinarazi dute: «Bularreko minbizian oinarritutako immunoterapiari buruzko proiektuan inbertitzeko 160.000 euro biltzeko helburua du erronka horrek. Erronka Melero doktoreak zuzentzun du Nafarroako Unibertsitate Klinikan . Dagoeneko 100.000 euro baino gehiago lortu diren arren, hiru hilabete baino gutxiago faltan azken bultzada eman nahi zaio erronkari».
Internetez ere eman daiteke laguntza, www.retoaeccgipuzko.com webgunearen bidez.
