Unidad Alavesa taldeak disko bikoitz batean bildu ditu bere bi lanak
'San Danetio' album bikoitza argitaratu du talde goierritarrak, agortuta zeuden 'Unidad Alavesa' eta 'Martin Martin' diskoetako abestiak bilduz.
Unidad Alavesa taldea, Ordiziarrock jaialdian egindako kontzertuan / Ordiziarrock 
Unidad Alavesa musika talde ataundarrak bilduma bat atera du, San Danetio izenarekin. Orain arte argitaratu dituen bi diskoak sartu dituzte, dagoeneko agortuta baitzeuden merkatuan. Lan bikoitz horretan eskura daitezke taldearen izen bereko lehen diskoa (2017) eta Martin Martin berria (2019). Gor etxearekin ekoitzi dute San Danetio, eta 12 euroan eros daiteke.
