Eguberrietako oporretan haurrentzako jolasak nonahi
Lazkaoko izotz pista (16:30-20:30) eta Urretxuko jolas parkea (16:30-19:30) arratsaldean ere egongo dira zabalik.
Urretxuko jolas parkea. //A.Aramburu Lazkaon, beste urte betez, etxeko txikienek pilotalekuan ezarritako izotz pistan patinatzeko aukera izan dute. Azkeneko bi urteetan izotz pistak izan duen arrakasta ikusita, aurten ere Lazkaoko Udalak berdina egiteko apustua egin du. Oraindik ere patinatzen ikasteko aukera izango dute umeek, abenduaren 30a bitarte. Goizez 11:00etatik 13:30era egongo da zabalik, eta arratsaldez, ordea, 16:30etik 20:30era.
Urretxun gaur emango diote amaiera Ederrena pilotalekuan egokitu duten haur parkeari. Bertan, puzgarrietan txirrist eta salto egiteaz gain, eskulanak egiteko edota arku-tiroa probatzeko aukera ere egon da.
Datozen egunetarako agenda
EZKIO
- Mahai jokoak, Antzuolako Jolasenea elkartekoekin abenduaren 29an(17:00-20:00) frontoi ondoko lokalean.
OLABERRIA
- Puzgarriak urtarrilaren 2an.
LEGAZPI
- Puzgarriak urtarrilaren 2, 3 eta 4an (10:30-13:30 / 16:00-19:30) Azokan eta Urbeltz pilotalekuan. *Azkeneko egunean goizez soilik elizako jolas parkean.
ORDIZIA
- Jolas parkea urtarrilaren 2,3,4 eta 5ean (11:00-13:30/17:00-20:00) Beti-Alai pilotalekuan. *Errege bezperan goizez soilik zabalduko dute.
ZALDIBIA
- Jon beldurgabea obra abenduaren 30an (17:00) herriko antzokian.
- Puzgarriak, kart zirkuitua eta arku tiraketa urtarrilaren 3an.
ATAUN
- Gabonetako pilota txapelketa Goierriko haurrentzat abenduaren 30a bitarte Auzoeta kiroldegian.
ARAMA
- Ekain-txou umeentzako ikuskizuna urtarrilaren 3an (18:00) Iriarte aretoan.
IDIAZABAL
- Patxin eta Potxin pailazoen ‘Zirkoko izarrak’ ikuskizuna urtarrilaren 31an (17:00:) Guraso Elkartean.
ORMAIZTEGI
- Katillukadak txotxongilo saioa abenduaren 30ean (18:00) Gizarte Etxean.
LEGORRETA
- Xaltoren ipuin galduak kontaketa urtarrilaren 2an (18:00) Kultur Etxean.
