Cara Siladji eta Lindon Muñóz Del Campo txapeldun Eguberritako igeriketa proban
Cara Siladji eta Lindon Muñóz Del Campo. //A.Aranburu Goi mailako 300 igerilari bildu dira gaur Ordiziako Majori pilotalekuan Eguberritako Igeriketa Sari Nagusian.
Aurtengo edizioan, Cara Siladji serbiarrak eta Lindon Muñóz Del Campo espainiarrak izan dute irabazlearen txapela janzteko aukera.
Espainiako absolutu mailako 8 txapeldunek hartu dute parte. Euskal Herriko eta estatu espainiarreko taldeez gain, Hungaria, Serbia, Italia, Japonia, Errumania, Frantzia, Andorra, Venezuela eta Nikaraguako igerilariak aritu dira. Igeriketa egokituak ere merezi duen tartea izan du.
Ordizia Igeriketa taldeko kideek ondo iragarri zuten moduan, aurten mailak gora egin du. Hori horrela, bederatzi aldiz hautsi da lehiaketako errekorra gaur Ordizian.
