Joseba Telleria eta Joseba Gabilondo garaile Legazpiko kanporaketan
Bi jokalari legazpiarrek egin dute Euskal Herriko Mus Txapelketa irabazteko lehen urratsa. Hurrengo hitzordua Seguran dute otsailaren 29an, Gipuzkoako kanporaketarekin. Javier Iza eta Iñigo Caballero ere sailkatu dira.
Joseba Telleria, Javier Iza, Joseba Gabilondo eta Iñigo Caballero, Legazpiko ordezkariak Euskal Herriko Mus Txapelketan Joseba Telleriak eta Joseba Gabilondok osatutako bikoteak irabazi du Euskal Herriko Mus Txapelketaren Legazpiko kanporaketa. Ostegunean, urtarrilak 23, jokatu zen kanporaketa, Karibe Zaharra tabernan, hamaika bikoteren parte hartzearekin. Saio hori irabazita, Telleriak eta Gabilondok Gipuzkoako kanporaketa jokatzeko sailkatu dira, bigarren geratu diren Javier Iza eta Iñigo Caballerorekin batera. Seguran da Gipuzkoako hitzordua, otsailaren 29an.
Legazpiko kanporaketa irabazita, Telleriak eta Gabilondok lehen urratsa egin dute txapelketaren aurreko bi edizioetan ihes egin dien txapela irabazteko. Hala adierazi zuten Goierriko Hitzan urtarrilaren 21ean argitaratutako erreportajean.
