Emakume Master Cupeko final erdiak, igandean Beasainen
Igande egueradian hasita, Emakume Master Cup txapelketako binakakoaren finalerdietako partidak jokatuko dituzte, Antzizar kiroldegian.
Iker Amarika Emakume Master Cup eko antolatzailea, Leire Artola alkateordea eta Amets Arropide berdintasun zinegotzia // K.Garralda
Emakume Master Cup txapelketako pilota mistoko final erdiak Beasainen jokatuko dira, igandean, 12:00etan, Antzizar Kiroldegian. Sarrera doakoa izango da, eta bi kanporaketak bata bestearen atzetik jokatuko dira: Olatz Arrizabalaga- Gentzane Aldai eta Arrate Bergara-Amaia Aldai bikoteak nor baino nor hariko dira lehen partidan. Miren Larrarte-Olatz Ruiz de Larramendi eta Leire Garai-Nora Mendizabal bikoteak elkartuko dira bigarren partidan. Finala martxoaren 29an izango da, Irunen.
