Pixoihalentzako edukiontzi bereziak jarriko dituzte Zaldibian eta Seguran
Zaldibian hiru tokitan jarri dituzte eta Seguran bostetan. Edukiontziak irekita egongo dira eta txartelik gabe erabil daitezke.
Sasietak jakinarazi duenez, atez ateko hondakin bilketa egiten den Zaldibian eta Seguran, hondakinak behar bezala sailkatuta ontzietan sartuta atera beharko dira. Hondakin guztiak edukiontzien barruan egon behar dute.Debekatuta dago poltsak zintzilikatzea edota lurrean uztea. Bilketa egunak eta orduak berdin mantendu dituzte.
Hala ere, bada aldaketa bat: pixoihalak bakarrik biltzeko edukiontzi bereziak kokatu dituzte.
- Zaldibian, farmazia aurrean, Marihaundiñe aurrean eta plazan Joxepane eta Estanko artean
- Seguran, Aitzgorrin, Beheko Soroan, Goiko Arrabalen, kultur etxeko aparkalekuan eta Zerkalde, beheko aldean.
Edukiontzi horiek irekita daude eta txartelik gabe erabili daitezke.
