Ostiralean Gainzuri Eguna ospatuko dute

Haurrak ikastetxeko terraza apaintzen ari dira eta Triku maskotak kalejira egingo du

2020/05/26

Urretxu eta Zumarragako Gainzuri ikastetxeak Gainzuri eguna ospatzen du urtero. Aurtengoa ostiralean izango da. Koronabirusa dela eta, berezia izango da. Haurrek ezingo dute elkarrekin ospatu eta ikastetxea itxita egongo da, baina haurrek bizia emango diote beraien marrazki, esaldi eta oihalekin. Gainera, Trikuk, Gainzuriko maskotak, kalejira egingo du. Autoan joango da, musika jarrita.

Egunotan, haurrak ikastetxeko terraza apaintzen ari dira. Haur Hezkuntzakoak eta Lehen Hezkun-tzako 1. eta 2. mailakoak marrazkiak jartzen ari dira ikastetxeko paretan. Lehen Hezkuntzako 3., 4., 5. eta 6. mailakoek, berriz, Zer da zuretzat Gainzuri? galderari erantzuten dioten esaldiak idatzi dituzte eta horman jartzen ari dira. Gainera, guztiak oihal zatiak lotzen ari dira terrazako barandan.

Bukatzeko, ostiralean Trikuk kalejira egingo du. Familiak agurtu eta kaleak girotuko ditu. Kalejira 11:00etan hasiko da Matxinportan. 11:25ak aldera Zumarragan sartuko da geltokitik. Haurrei ikastetxeko kamiseta janzteko eta balkoiak apaintzeko eskatu diete.

Horra hor kalejirako ordutegia:

11:00etan hasiko da Urretxun.

-Matxinporta- Iparragirre-Labeaga

-Gabilondo sukaldeak- Lilibaso-Sorgintzulo- Mundo Mejor- Basagasti-Grupo Santa Barbara.

-Labeaga-Kalerrota- San Martin-Barrenkale- Gurutze-Elizalde.

-Labeaga- Ipeñarrieta-Aparizioko errotonda-herrira itzuliko da eta Mugitegiko errotondan Zumarragara pasako da.

– Secundino Esnaola-Elizkale-Bidezar-Txurruka-Okendo-Piedad.

-Elizkale-Bidezar-Soraluze- Legazpi-Iparragirre-Elizkale.

-Polikiroldegia-Urdaneta-Artiz auzoa-Loiolako Iñigo-Urdaneta.

-Leturiatarren plaza-Antonino Oraa-Izazpi-Iñaki Linazasoro- Izazpi-Ipar Haizea-Busca Isusi-Elgarrestamendi.

-San Isidro-Antio hiribidea-San Gregorio-Busca Sagastizabal.

-San Gregorio-Elizkale-saihebidetik Etxeberrira-Ipintzako iturritik Kalebarrenera-Urretxuko aldapa-ikastetxea.

Bukaera 12:00gutxi gora behera

ELKARRIZKETAK

ERREPORTAJEAK

KIROLA

Azken bideoak

Argitalpen bereziak