Urretxu-Zumarraga-Legazpiko 1985eko Kilometroak jaia gogoratzeko dokumentala ikusgai jarri dute interneten
Josean Larrea legazpiarrak partekatu du bere YouTube kanalean. Hotsikus Zinema Taldeak jaso zuen eguneko kronika garaiko ikus-entzunezko baliabideekin.
Josean Larrea legazpiarrak 1985eko Kilometroak jaiari buruzko dokumentala jarri du ikusgai bere Youtube kanalean. 1985eko Kilometroak Urretxu-Zumarragako eta Legazpiko ikastolen artean antolatu zuten, eta Urretxun eta Zumarragan ospatu zen.
Legazpiko Hots herri komunikazio proiektuko Hotsikuz zinema taldeak jaso zuen egun hartako kronika, garaiko ikus-entzunezko baliabideekin. Egileak Iñaki Zelaia, Mikel Untzilla eta Josean Larrea bera izan ziren. Azken honek, duela 35 urteko lan hura digitalizatu egin du eta Internet bidez jarri du ikusgai edozeinen eskura.
