Hauteskundeak

Hautesle zerrendetan goierritar ugari, baina aurreko postuetatik urruti

Onartu dituzte uztailaren 12ko hauteskundeetarako hautesle zerrendak. Gipuzkoakoetan, 15 goierritar daude 6 alderdiren zerrendatan banatuta, baina horietako gehienak, aurreko postuetatik urrun.

Goierriko Hitza

Goierri

2020/06/17

Eusko Legebiltzarreko Hauteskundeetarako makineria martxan da dagoeneko. Egunotan onartu dituzte herrialde bakoitzeko hautesle zerrendak, eta Gipuzkoakoetan, goierritar ugari ageri dira; 15 denera, 6 alderditan banatuta. Hamalau hautagai horien artean behintzat, erabateko berdintasuna dagoela esan liteke, zazpi emakumezko eta zazpi gizonezko baitira.

Uztailaren 12an izango dira Eusko Legebiltzarrerako hauteskundeak, eta Gipuzkoan hamalau alderdi aurkeztu dira bozetara, azken bozetan baino lau gehiago: EAJ, EH Bildu, Elkarrekin Podemos, PSE-EE, PP+Cs, PACMA, Libres por Euskadi (LXE), Aulki Zuriak (AZ), Bidezko Mundurantz (PUM+J), Equo Berdeak Euskadi, VOX, Union Cristiano Democrata Española (UCDE), Recortes Cero-Solidaria-Los Verdes eta Alderdi Libertarioa.

Zerrenda horietatik seitan daude Goierriko ordezkariak; bakar batek ere ez du, ordea, eskualdeko zerrendabururik aurkeztu. Oraingoz ordezkaritzarik lortu ez badu ere, Equo alderdia da bere zerrendetan eskualdeko ordezkari gehien dituena, lau goierritarrekin. PSE-EEk hiru ditu, eta EAJk, EH Bilduk, Podemos-Ahal Duguk eta PPk bina. Hauek dira:

Eusko Alderdi Jeltzalea (EAJ)