Nesken senior taldea osatu nahi du Ilintxak
Denboraldi berrirako erronka ezarri du Ilintxak, adinaren aldetik mugarik izango ez duten senior mailako nesken taldea atera nahi duelako. Momentuz 14 jokalari dituzte, eta 18ra iritsi nahi dute; ahal dela legazpiarrez osatu nahi dute taldea.
Horrez gain, iazko talde kopuru bera aterako du denboraldi berrian: kimu mailako mutilen eta nesken talde bana, infantil mailako futbol 8-ko nesken bi talde, mutilen bi infantil talde, kadeteen mutil eta neska talde bana, mutilen jubenil talde bat eta mutil seniorren talde bat. 200-bat jokalari izango dira, eta futbol eskolan beste 60-bat gaztetxo.
