Goierriko Bertso Eskola ikasturteari ekiteko prest
Goierriko Bertsozaleen Elkarteak urrian ekingo dio bertso eskolaren ikasturte berriari. Parte hartu nahi dutenek, irailaren 20rako eman behar dute izena.
Goierriko Bertsozale Elkartea hasia da 2020/21 ikasturteko bertso eskolak prestatzen. Taldeak eta ordutegiak antolatzen ari dira orain. Deialdi berezia egin nahi izan diete LH3-tik gorako haur eta gaztetxoei, nahiz eta bertsolaritzarekiko interesa duen edonork eman dezakeen izena.
Hilaren 20ra arteko epea dago bertso eskolan izena emateko. Horretarako 667 508 594 telefono zenbakira deitu edo whatsapp mezu bat bidali daiteke, edo e-mailez goierrikobertsozaleelkartea@gmail.com helbidera idatzi.
Eskolak urriko lehendabiziko astean hasiko dituzte, eta “segurtasun neurri guztiak” bermatuko dituztela azaldu dute, hala nola, musukoak, distantzia, eskuak garbitzea edota gela aireztatzea. Bideo bat ere prestatu dute ikasturte berria iragartzeko:
