Fernando Lopezek ez du Ordizian jokatuko
Ordiziako errugbi taldearen esanetan, beste urtebeterako kontratua bazuen ere, "osasun-krisiak sortutako ziurgabetasunaren ondorioz, Fernando bezalako jokalariek ligatik kanpo lan egiteko beste aukera batzuk bilatu behar izan dituzte".
Fernando Lopez, eskuinetik bigarrena, 2016an iritsi zen Ordiziara. 
Ordiziako errugbi taldeak jakinarazi duenez, Fernando Lopez argentinarrak ez du hurrengo denboraldian Ordiziarekin jokatuko, COVID-19 pandemiak sortutako zailtasunengatik. “Pasa den denboraldiko amaiera atipikoak ez zuen inolako eragozpenik suposatu taldeak eta jokalariak zuten kontratua urte betez luza zezaten. 2020-2021 denboraldia pilierraren bosgarren denboraldia izan behar zen taldean, eta Lopezek uda osoan entrenatu du horrela izan zedin”. Baina aurten “ezer ez da berdina”. COVID-19k eragindako pandemia “gizarteko esparru guztietan ari da eragiten. Kirola ere eragin horiek jasaten ari da eta horren ondorioz, errugbi ligaren hasiera atzeratu egin da. Atzerapen horren eta horrek ekar ditzakeen ondorioen aurrean, Ordizia Rugbyk taldea batuta mantentzearen aldeko apustua egin du, eta uda osoa darama horretarako lanean. Hala ere, osasun-krisiak sortutako ziurgabetasunaren ondorioz, Fernando bezalako jokalariek ligatik kanpo lan egiteko beste aukera batzuk bilatu behar izan dituzte, kasu honetan Frantzian. Hemen pandemia izan arren, ez lehiaketari hasiera emateko arazorik izan”.
Beste arrazoi bat ere nabarmendu du Ordiziako taldeak: “Errugbiko lehiaketa nazionalaren hasieraren inguruko zalantzak dira Fernandoren martxaren eragile bakarra. Espainian, kirol batzuk martxan jarri diren bitartean eta beste batzuk lehenbailehen nola egin aztertzen ari diren bitartean, guk jokalariak nola joaten zaizkigun ikusten dugu. Ez da arrazoi honengatik joaten den lehen jokalaria; ez da azkena izango, eta beraz, zauria zenbat eta lehenago itxi, orduan eta onuragarriagoa izango da Espainiako errugbirentzako”.
