Urola futbol taldean izena emateko aukera
2010, 2011 eta 2012 urteetan jaiotako neska zein mutilek eman dezakete izena
Urola futbol taldeak ekin dio 2020-2021 denboraldiari eta jakinarazi dutenez futbol eskolan izena emateko epea zabalik dago oraindik. 2010, 2011 eta 2012 urteetan jaiotako neska zein mutilei zabaldu nahi die deialdia.
Entrenamendu guztiak ostegunetan izango dira. 2011 eta 2012 urteetan jaiotako mutilek 17:00-18:15 bitartean entrenatuko dute; bestalde, neskek eta 2010ean jaiotako mutilek, 18:15-19:30 bitartean. Futbol eskola azaroan lanean hasiko den arren, data zehaztu gabe dago oraindik. Datorren urriaren 29an, 18:30ean, informazio bilera egingo da Zelai Arizti aretoan.
Izena emateko komunikazioa@urolake.eus helbidera idatzi edota helbide honetan dauden pausuak jarraitu beharko dira.
