100 urte bete ditu Goierriko Nekazal Kooperatibak
Ospakizun handirik ez dute egin, baina Ordiziako Udal ordezkarien bisita izan dute.
Egun berezia izan da gaurkoa Goierriko Nekazal Kooperatibakoentzat. Izan ere, 100 urte bete ditu gaur. Ospakizun handirik gabe, baina Ordiziako Udal ordezkarien bisita jaso dute. Goierriko Nekazal Kooperatiba, baserritarrei abantailak emateko sortutako erakundea da sortu zenetik, bai baserrietan ekoiztutako produktuak saltzeko gunea, eta baita etxean ekoitzi ezin zirenak eskuratzeko tokia ere. Gaur gaurkoz, oraindik asko eta asko dira erosketak bertan egiten dituztenak.
