'Jentilen Lurraldean' orientazio jolasa antolatu dute jairako
Barandiaran Museoak familientzako antolatutako ekintza izango da. Igande goizean egingo dute, museotik bertatik abiatuta.
Barandiaran Museoak familientzat Jentilen lurraldean iparraren bila orientazio jolasa antolatu du. Ataungo San Gregorio auzoan barrena izango da, igandean, museotik abiatuta eta 11:30ean hasita. Urratsei jarraika, mitologiarekin lotutako pertsonaien ezagutza zabaltzea du jolasak helburua. Izena eman behar da aurrez (943 18 03 35), eta 3na euro ordaindu behar du. Museoa bisitagai egongo da.
