Urola futbol taldearen lagunarteko txapelketa eta lore eskaintza
Larunbat eguerdian, urteroko lore eskaintza egingo du klubak Antion. Arratsaldean gizonezkoen eta emakumezkoen taldeen partidak izango dira Argixaon.
Urola Kirol Elkarteak asteburu egun betea izango du etzi. Eguerdian, Urolaren bi talde nagusietako kideek (gizonezkoena eta emakumezkoena) eta zuzendaritzak urteroko lore eskaintza egingo dute, 14:00etan, Antion. Zumarragako alkateak ere parte hartuko du ekitaldian.
Arratsaldean berriz, Zumarraga-Urretxuko futbol txapelketa jokatuko dute, Argixao zelaian. 16:00etan Urolaren gizonezkoen lehen taldeak Ordiziaren aurka jokatuko du eta 18:00etan emakumezkoen lehen taldearen txanda izango da, Bergararen aurka.
