'Biba Zuek!' saiokoak Seguran izan dira grabatzen
Maddalen Arzallusek eta Xabier Sukiak gidaturiko saioa duela hilabete estreinatu zuten ETB1en. Datorren astean emitituko dute.
ETB1-eko ‘Biba zuek!’ saioak grabaketa egin du Seguran. Duela hilabete estreinatu zuten saioa, Maddalen Arzallusek eta Xabier Sukiak gidatuta. Egunero kolaboratzaile desberdinak dituzte, eta Mikel Elizegik jubilatuen bizimoduari buruzko atala aurkezten du bertan. Jubilazio aktiboa duten adineko pertsonak ezagutzen ditu pandemia garaiak nola eragin dien ezagutzeko.
Atal horren grabaketa egin dute, hain zuzen ere, Seguran. Laureano Telleriarekin batera egon dira. 40 urtez jo ditu elizako kanpaiak Telleriak bertara dauden 160 eskailerak igota. Gainera, Goierriko talogileak diren Joxepa emaztearekin eta Joseba semearekin ere izan dira, eta Mikel Elizegik taloak egiten ikasi du.
Bestalde, Rafa Berastegiren maketa erakusketa ere ezagutu dute. Datorren astean emango dute, ETB1-n.
