Astronomia Gaua egingo dute igandean Oiangun
Aranzadi Zientzia Elkartekoek gidatuta, unibertsoaren sorrerari buruzko aurkezpena eta behaketa astronomikoa egingo dituzte. Gonbidapena aurrez eskatu behar da.
Igande honetan, hilak 22, Astronomia Gaua egingo dute Oiangun. Aranzadi Zientzia Elkartearekin elkarlanean antolatzen duten saioa da, eta aurten zazpigarren urtez egingo dute. Igande arratsaldeko 17:30ean elkartuko dira, eta aurrena, unibertsoaren sorrerari buruzko aurkezpena egingo dute, 6 eta 12 urte arteko umeei zuzenduta. 19:00etatik 21:00etara berriz, behaketa astronomikoa egingo dute.
Segurtasun neurriak direla eta, parte-hartzaile kopurua mugatua izango da, eta bi saioak doakoak badira ere, aurrez gonbidapena eskatu behar da, bibe.me plataformaren bitartez.
