Igoera handia izan da asteburuan, 92 kasu berrirekin
Asteburuak kezkatzeko moduko datuak utzi ditu Goierrin. Osasun Sailaren arabera 92 kasu gehiago daude, eta Beasain berriz sartu da eremu gorrian.
Joan den astea datuen igoerarekin bukatu zen, eta bide beretik jarraitu du asteburuak ere. Osasun Sailaren gaurko txostenak jasotako datuen arabera, ostiralean 36 positibo berri agertu ziren Goierrin, larunbatean 35 eta igandean beste 21. Guztira, 92 kasu gehiago.
Herri handietan, Ordiziaren egoera da oraindik ere kezkagarriena; asteburuan beste 18 positibo izan dituzte, eta eremu gorrian jarraitzen dute, 742,23ko inzidentzia tasarekin. Okerrera egin duena Beasain da, asteburuan 24 kasu berri pilatuta; eremu horitik laranjara pasa zen aurreko astean, eta asteburuko datuak gehituta, eremu gorrian kokatu da orain, 544,06ko tasarekin.
Zumarragak ere 10 positibo berri izan ditu asteburuan, Urretxuk 6 eta Legazpik 5. Lazkao egoera hobean dago, 2 positibo berrirekin.
Herri txikiei dagokioean, Seguran daude daturik kezkagarrienak, asteburuan 11 kasu berri zenbatu baitituzte. Inzidentzia tasa ere, kezkatzeko modukoa da, 1707tik gorakoa baita dagoeneko, nahiz eta bost mila biztanletik beherako herria izanda, ez duten eremu gorrian sartu. Ataunen eta Zaldibian ere seina kasu berri agertu dira, eta bana Araman, Ezkio-Itsason, Idiazabalen eta Legorretan.
Martxoan koronabirusaren osasun krisia hasi zenetik hona, 3.553 positibo kasu agertu dira guztira Goierrin.
| Ostirala | Larunbata | Igandea | DENERA | |
| Altzaga | 0 | 0 | 0 | 3 |
| Arama | 0 | 1 | 0 | 16 (+1) |
| Ataun | 1 | 4 | 1 | 74 (+6) |
| Beasain | 9 | 6 | 9 | 788 (+24) |
| Ezkio eta Itsaso | 0 | 0 | 1 | 16 (+1) |
| Gabiria | 0 | 0 | 0 | 10 |
| Gaintza | 0 | 0 | 0 | 9 |
| Idiazabal | 1 | 0 | 0 | 61 (+1) |
| Itsasondo | 0 | 0 | 0 | 27 |
| Lazkao | 1 | 1 | 0 | 211 (+2) |
| Legazpi | 3 | 0 | 2 | 320 (+5) |
| Legorreta | 0 | 1 | 0 | 95 (+1) |
| Mutiloa | 0 | 0 | 0 | 7 |
| Olaberria | 0 | 0 | 0 | 31 |
| Ordizia | 5 | 10 | 3 | 789 (+18) |
| Ormaiztegi | 0 | 0 | 0 | 51 |
| Segura | 8 | 3 | 0 | 77 (+11) |
| Urretxu | 4 | 2 | 0 | 288 (+6) |
| Zaldibia | 1 | 2 | 3 | 98 (+6) |
| Zegama | 0 | 0 | 0 | 89 |
| Zerain | 0 | 0 | 0 | 1 |
| Zumarraga | 3 | 5 | 2 | 486 (+10) |
| GOIERRI | 36 | 35 | 21 | 3.555 (+92) |
