Beste 60 kasu atzeman dituzte asteburuan Goierrin
Azken hiru egunetako herrikako datuak eman ditu gaur Osasun Sailak. Goierrin 60 kasu gehiago zenbatu dituzte, gehienak Ordizian, Beasainen, Lazkaon, Zaldibian eta Zumarragan.
Asteburuan ere ez da gelditu koronabirus kasu berrien agerpena, eta Osasun Sailak beste 60 kasu zenbatu ditu Goierrin, gaur argitaratu duen txostenean.
Ordizia eta Beasain dira eremu gorrian jarraitzen duten 5.000 biztanletik gorako bi herriak, eta asteburuan ere, haiek izan dira kasu gehien pilatu dituztenak. Ordizian 14 gehiago agertu dira, eta Beasainen beste 12. Lazkaok aurreko ia aste osoa pasa zuen kasu berririk gabe, baina asteburuan beste 6 agertu dira. Zumarragan 5, Legazpin 3 eta Urretxun 1 daude.
Herri txikiei dagokionean, Zaldibia da kasu gehien dituena, 5 positibo berrirekin. Ataunek beste 4 ditu, eta Idiazabalek eta Segurak hiruna. Koronabirusaren osasun krisia agertu zenetik kasu bakarra zuen orain arte Zerainek, baina han ere beste bi kasu agertu dira asteburuan. Legorretak eta Ormaiztegik, berriz, bana dituzte.
Martxoan koronabirusaren osasun krisia hasi zenetik hona, 3.718 positibo kasu agertu dira guztira Goierrin.
Lau herritan, tabernak itxita
Bestalde, Jaurlaritzak gaur eguneratu ditu tabernak ireki ala itxi jakiteko datuak. Goierriren kasuan, egoerak bere horretan jarraituko du. Beasainen, Ordizian, Seguran eta Zaldibian itxita jarraitu beharko dute. Hurrengo berrikuspena ostegunean egingo dute.
| Ostirala | Larunbata | Igandea | DENERA | |
| Altzaga | 0 | 0 | 0 | 4 |
| Arama | 0 | 0 | 0 | 17 |
| Ataun | 0 | 2 | 2 | 81 (+4) |
| Beasain | 2 | 5 | 5 | 830 (+12) |
| Ezkio eta Itsaso | 0 | 0 | 0 | 17 |
| Gabiria | 0 | 0 | 0 | 10 |
| Gaintza | 0 | 0 | 0 | 9 |
| Idiazabal | 1 | 1 | 1 | 66 (+3) |
| Itsasondo | 0 | 0 | 0 | 27 |
| Lazkao | 2 | 4 | 0 | 217 (+6) |
| Legazpi | 0 | 1 | 2 | 332 (+3) |
| Legorreta | 0 | 0 | 1 | 97 (+1) |
| Mutiloa | 0 | 0 | 0 | 7 |
| Olaberria | 0 | 0 | 0 | 31 |
| Ordizia | 9 | 3 | 2 | 831 (+14) |
| Ormaiztegi | 0 | 0 | 1 | 52 (+1) |
| Segura | 0 | 3 | 0 | 83 (+3) |
| Urretxu | 0 | 1 | 0 | 298 (+1) |
| Zaldibia | 2 | 2 | 1 | 106 (+5) |
| Zegama | 0 | 0 | 0 | 93 |
| Zerain | 1 | 1 | 0 | 3 (+2) |
| Zumarraga | 2 | 0 | 3 | 499 (+5) |
| GOIERRI | 19 | 23 | 18 | 3.718 (+60) |
