Goierrik 4.000 positiboren langa gainditu du, azken bost egunetan 102 kasu pilatuta
Kasuen hiru laurdenak Beasainen (36), Ordizian (23) eta Lazkaon (12) zenbatu ditu Osasun sailak. Lazkaok eta Olaberriak ostalaritza itxi beharko dute bihartik aurrera, eta Beasainen eta Ataunen hala jarraitu beharko dute.
Ordiziako tabernetako terrazak zabalik, joan den larunbatean. Oraingoz irekita jarraitu ahal izango du Ordiziako ostalaritzak. Arg.: Ane Garmendia Urtezaharretatik Urteberrirako egunetan (abenduaren 30etik urtarrilaren 3ra) goraka izan dute positibo kasuek Goierrin. Denera 102 positibo zenbatu ditu Eusko Jaurlaritzako Osasun sailak Goierriko herrietan azken bost egunetan. Horietatik 71 Goierri beheko herri jendetsuenetan atzeman ditu: Beasainen 36, Ordizian 23 eta Lazkaon 12. Eguberrietako astean baino 14 positibo gehiago izan dira (abenduaren 24tik 28ra 88 izan ziren). Gaur eguerdian zabaldutako txostenak dakartzan datuak zenbatuta, Goierrin 4.001 COVID-19 positibo kasu izan dira.
Herri txikien artean, Ataunek du kopururik handiena, 6 positibo berrirekin. Olaberriak 4 ditu, Zaldibiak 3, Idiazabal eta Zerainek bina, eta Itsasondok eta Zegamak bana.
Lazkaon eta Olaberrian ostalaritza itxi behar
Eusko Jaurlaritzak gaur eguerdian egin datuen errebisioa, tabernak ireki ala itxi erabakitzeko. Eta berritasunak daude txostenean, Lazkaok eta Olaberriak ostalaritza itxi beharko dutelako. Lazkao eremu gorrira pasa da (514,91ko intzidentzia tasa du) eta Olaberria haren osasun eremuko udalerria denez, han ere tabernak itxi beharko dituzte. Beasainek eremu gorrian jarraitzen du (620,50) eta ezingo ditu tabernak zabaldu, ezta Ataunek ere (1.316,54). Ordizian, Zaldibian eta Seguran Urteberri egunean zabaldu zituzten, eta oraingoz irekita jarraitu ahal izango du ostalaritzak.
| A30 | A31 | U1 | U2 | U3 | DENERA | |
| Altzaga | 0 | 0 | 0 | 0 | 0 | 4 |
| Arama | 0 | 0 | 0 | 0 | 0 | 17 |
| Ataun | 2 | 0 | 2 | 2 | 0 | 104 (+6) |
| Beasain | 6 | 10 | 4 | 9 | 7 | 917 (+36) |
| Ezkio eta Itsaso | 0 | 0 | 0 | 0 | 0 | 17 |
| Gabiria | 0 | 0 | 0 | 0 | 0 | 10 |
| Gaintza | 0 | 0 | 0 | 0 | 0 | 9 |
| Idiazabal | 0 | 1 | 0 | 0 | 1 | 74 (+2) |
| Itsasondo | 0 | 0 | 0 | 0 | 1 | 28 (+1) |
| Lazkao | 4 | 2 | 1 | 3 | 2 | 246 (+12) |
| Legazpi | 2 | 1 | 0 | 0 | 0 | 359 (+3) |
| Legorreta | 0 | 0 | 0 | 0 | 0 | 97 |
| Mutiloa | 0 | 0 | 0 | 0 | 0 | 7 |
| Olaberria | 1 | 3 | 0 | 0 | 0 | 37 (+4) |
| Ordizia | 3 | 7 | 9 | 2 | 2 | 875 (+23) |
| Ormaiztegi | 0 | 0 | 0 | 0 | 0 | 56 |
| Segura | 0 | 0 | 0 | 0 | 0 | 90 |
| Urretxu | 0 | 1 | 1 | 2 | 0 | 310 (+4) |
| Zaldibia | 0 | 2 | 0 | 0 | 1 | 118 (+3) |
| Zegama | 0 | 0 | 0 | 0 | 1 | 94 (+1) |
| Zerain | 0 | 0 | 0 | 1 | 1 | 5 (+2) |
| Zumarraga | 1 | 2 | 0 | 1 | 1 | 519 (+5) |
| GOIERRI | 19 | 29 | 17 | 20 | 17 | 4.001 |
