Emakumezko bat atxilotu dute Beasainen, bikotekideari labanarekin erasotzea leporatuta
Bikotekideari labanaz eraso eta zauri larriak eragin dizkio, eta Zumarragako ospitalean ingresatuta dago gizonezkoa.
Ertzaintzak 52 urteko emakume bat atxilotu du bart gauean, Beasainen. Haren bikotekideari labanaz eraso egin eta bizkarrean zauriak egitea leporatu diote. Gizonezko bikotekidea Zumarragako ospitalera eraman dute, eta bertan dago ingresatuta.
Gertaerak 22:30 inguruan izan ziren. Ertzaintzak Beasaingo etxebizitza batean izandako eraso baten berri jaso zuen. Bertaratu direnean, gizonezkoa auspez etzanda aurkitu dute, bizkarrean zauri batekin. Bizilagun batek lagundu dio, zauria estalita.
