Suhiltzaileek tren bagoi batean izandako sutea itzali dute
Aldirietako tren baten bagoian sutea gertatu da gaur goizean. Goierriko suhiltzaileak bertaratu dira, eta berehala kontrolatu dute. Beasainmendin gizonezko bat hil da, bihotzekoak jota.
Gaur goizeko 10:00ak aldera, sua piztu da aldirietako tren baten bagoian, oraindik ezagutzen ez diren arrazoiak tarteko. Beasaingo geltokian gelditu da trena, eta Goierriko suhiltzaileak etorri dira; berehala itzali dute sutea eta sustoa besterik ez da izan.
Suhiltzaileek beste irteera bat ere egin behar izan dute gaur, Beasainmendin. Gizonezko batek bihotzekoa izan du, eta suhiltzaileek lagunduta jaitsi dute, eta anbulantziak eraman du. SOS Deiak larrialdi zerbitzuek jakinarazi dutenez, hil egin da gizonezkoa.
