Beasainek berdindu egin du Balmasedaren aurka
Etxean jokatutako partidan bana (1-1) berdindu du Beasain KE-k Balmasedaren aurka, eta sailkapeneko bosgarren postuan daude txuri-urdinak,
Beasain KE-ko jokalariak Altairren gola ospatzen // A.Garmendia Beasainek bana berdindu du berriro ere gaur arratsaldean Loinatz zelaian jokatutako partidan, Balmasedaren aurka oraingo honetan. Lehenengo zatian aurrea hartzea lortu dute Gordobilen mutilek Altairrek 15. minutuan penaltiz sartutako golari esker eta 1-0 emaitzarekin joan dira atsedenaldira.
Bigarren zatia hasi eta berehala Balmasedako Iker Calvok aukera aprobetxatu eta gola sartzea lortu du, 48. minutuan. Pasa den asteburuan Aurrera Ondarroa taldearen aurka jokatu zuten partidan bezalaxe, talde beasaindarrak 1-1 berdinketarekin amaitu du gaurko partida, horrela sailkapenean bosgarren postuan kokatuz, 23 punturekin.
