Goierri Gorrik porrota jaso du Eibar B-ren aurka
Seigarren postuan kokatu dira Goierri Gorriko jokalariak gaurko partidan Eibar B-ren aurka 1-5 galdu ondoren
Goierri Gorri eta Eibar B-ren arteko partida // A.Garmendia Gaurkoa Goierri Gorrik 2021ean etxean jokatu duen lehen partida izan den arren, aurkariek gogor jokatu dute eta 1-5 galdu dute Eibar B taldearen aurka, horrela seigarren postura jaitsiz. Lehenengo zati osoan markagailuak 0-0 emaitza erakustea lortu duten arren, atsedenaren ostean gauzak zaldu egin dira Goierri Gorriko jokalarientzat.
Goierri Gorriko bigarren entrenatzailea den Iñaki Acostak azaldu duenaren arabera, bigarren zatian Eibar B-k sartutako lehenengo gola eta gero gauzak okerrera joan dira: «Akats baten ondorioz sartutako lehenengo gola eta gero guardia jaitsi dugu eta ondorengo bi golak jarraian etorri dira. Azkenean jokalariak lur jota geratu dira eta 1-5 emaitzarekin amaitu dugu».
Ostegunean ere etxean
Datorren ostegunean berriro lehiatuko dira Goierri Gorriko neskak Loinatz zelaian, oraingo honetan Elorrioren aurka. Partida 19:30etan hasiko da, eta Acostak adierazi duenaren arabera partida “lorgarria” izan daitekeela uste dute: «Joaneko partidan bana berdindu genuen eta uste dugu etxean emaitza bera edo garaipena ere lor dezakegula».
