'Koplariak koplari' saiorako sarrerak salgai
Agus Barandiaran trikitilariak eta Xabier Amuriza bertsolariak koplen inguruko hitzaldi musikatua egingo dute igandean, Legorretako Herri Antzokian.
Legorretako Satto Elkarteak, udalaren laguntzarekin, Koplariak koplari ikuskizuna antolatu du iganderako. Xabier Amuriza bertsolariak eta Korrontzi taldeko Agus Barandiaranek, musikarekin eta koplekin girotutako saioa egingo dute. ‘Hitzaldi musikatua’ deitu badute ere, batez ere kantatutako saioa izango dela argitu dute egileek. Ekitaldia Herri Antzokian izango da igandean, hilak 14, 19:00etan hasita.
Sarrerak salgai
Kontzertura joan nahi dutenek, aldez aurretik erreserbatu beharko dituzte sarrerak. Horretarako Kultur Etxera jo beharko dute. Telefonoz deituta ere egin daiteke erreserba (943 08 50 50), baita Internet bidez ere, e-posta bidalita (kultura.legorreta @euskalnet.net).
Behin erreserba eginda, sarrerak Herri Antzokian jaso ahalko dira, emanaldia baino lehen, eta ordainketa ere (10 euro), bertan egin beharko da.
