Egoera nabarmen hobetu da, eta kasu berrien kopurua jaitsi
Urtea hasi zenetik daturik apalenetakoa izan du Goierrik asteburuan. Ostiraletik igandera 12 positibo agertu dira. Legazpik bakarrik jarraitzen du eremu gorrian. Osasun eremuetan ere, hobera egin dute datuek.
Koronabirusaren kasu berrien kopuruak beheranzko joerarekin jarraitzen du, eta azken asteetako daturik onenak eman ditu gaur Osasun Sailak, Goierriri dagokionean. Ostiraletik igandera 12 kasu atzeman dituzte eskualde osoan, eta herririk gehienak, eremu gorritik kanpo daude dagoeneko.
Kasu berri horiek Legazpin (3), Ordizian (3), Beasainen (2), Zumarragan (2), Ataunen (1) eta Idiazabalen (1) atzeman dituzte. Hiru eguneko datuak direla kontuan hartuta, ohiko bataz bestekoaren oso azpitik daude, denak ere.
Eremuei dagokionean, Legazpi da gorrian jarraitzen duena, 665,95eko eragin tasarekin. Urretxu (453,95) eta Zumarraga (305,47), eremu laranjan daude, Beasain (292,42) eta Ordizia (168,82) horian, eta Lazkaok marka egin du, eremu berdean sartu baita, 53,27ko eragin tasarekin.
Herri txikien artean, Segura (1696,02), Zerain (1094,89), Mutiloa (784,31), Ataun (686,89) eta Ormaiztegi (548,59) daude bostehuneko langaren gainetik. Baina osasun eremuen egoerak ere hobera egin du, eta ez zaie bestelako neurri gehigarririk aplikatuko.
Osasun eremuek ere, hobera
Eremuka aztertuta, Legazpikoa da gorrian dagoen bakarra, 650,46eko tasarekin. Beasasingo osasun eremua (392,83) eta Zumarragakoa (338,93) kolore laranjan daude, eta Lazkaokoa (174,95) eta Ordiziakoa (148,49) horian.
Iazko martxoan osasun krisia hasi zenetik, Goierrin 4.900 COVID-19 positibo kasu izan dira.
| 02/12 | 02/13 | 02/14 | DENERA | |
| Altzaga | 0 | 0 | 0 | 4 |
| Arama | 0 | 0 | 0 | 18 |
| Ataun | 1 | 0 | 0 | 123 (+1) |
| Beasain | 0 | 2 | 0 | 1.111 (+2) |
| Ezkio eta Itsaso | 0 | 0 | 0 | 22 |
| Gabiria | 0 | 0 | 0 | 11 |
| Gaintza | 0 | 0 | 0 | 9 |
| Idiazabal | 1 | 0 | 0 | 93 (+1) |
| Itsasondo | 0 | 0 | 0 | 38 |
| Lazkao | 0 | 0 | 0 | 293 |
| Legazpi | 1 | 2 | 0 | 488 (+3) |
| Legorreta | 0 | 0 | 0 | 106 |
| Mutiloa | 0 | 0 | 0 | 11 |
| Olaberria | 0 | 0 | 0 | 45 |
| Ordizia | 1 | 2 | 0 | 979 (+3) |
| Ormaiztegi | 0 | 0 | 0 | 76 |
| Segura | 0 | 0 | 0 | 148 |
| Urretxu | 0 | 0 | 0 | 394 |
| Zaldibia | 0 | 0 | 0 | 126 |
| Zegama | 0 | 0 | 0 | 112 |
| Zerain | 0 | 0 | 0 | 12 |
| Zumarraga | 1 | 1 | 0 | 681 (+2) |
| GOIERRI | 5 | 7 | 0 | 4.900 (+12) |
* Datuetan egun batetik bestera egon daitezkeen aldeak, Eusko Jaurlaritzak asteroko datuak eguneratzean egiten dituen aldaketei dagozkio.
