Baheketa egitera deitu dituzte Ataungo hiru tabernatatako bezeroak
Martxoaren 5 eta 20a bitartean Troskaeta, Urbieta edo Sutegi tabernetan egon diren bezeroek 943 80 55 60 telefono zenbakira deitu beharko dute txanda hartzeko. PCR probak bihar arratsaldean egingo dira herriko frontoiean
Osakidetzak martxan jarriko du covid-19a atzemateko baheketa Ataunen. Martxoaren 5 eta 20a bitartean Troskaeta, Urbieta edo Sutegi tabernetan egon diren bezeroei bihar arratsaldean herriko frontoira joateko eskatu die Osakidetzak, horretarako lehenengo Lazkaoko Osasun-Zentroko 943 80 55 60 telefono zenbakira deituta.
PCR probak Ataungo San Martin-Auzoeta Pilotalekuan egingo dituzte bihar, astelehena, arratsaldeko 15:00etatik 20:00etara bitartean.
