Asteburu luzean igotzen jarraitu dute datuek, 125 kasu berrirekin
Osasun Sailaren arabera, ostegunetik igandera 125 positibo gehiago atzeman dituzte Goierrin. Ordizian, Beasainen, Lazkaon, Zumarragan, Ataunen eta Zegaman izan da igoerarik handiena.
Asteburu luzearen ondoren, ikusmina zegoen datuek zein joera hartuko zuten ikusteko. Pasa den astean gorakada izan zen positibo kopuruan, eta azken lau egunetan, 125 kasu gehiago jaso ditu Osasun Sailak Goierriri dagokionean. Ostirala jai eguna izan zen, eta Eusko Jaurlaritzak gaur eguneratu ditu ostegunetik igandera arteko datuak.
Datuetan igoerarik handiena Ordiziak (33) eta Beasainek (28) izan dute. Lazkaon (18), Zumarragan (11), Ataunen (10) eta Zegaman (9) ere kasu berri dezente agertu dira. Atzetik daude Idiazabal (5), Olabereia (4) eta Legazpi (3). Eta kasu bana dute Ezkio-Itsason, Gabirian, Urretxun eta Zerainen.
Eragin tasetan ere nabari da igoera, Lazkao (1331,68), Beasain (770,27) eta Ordizia (695,13) 500eko mugaren gainetik daude.
Herri txikiagoen artean, Ataun (1488,27), Zegama (1183,43), Itsasondo (1098,90), Legorreta (872,48), Olaberria (654,31) eta Zaldibia (542,82) daude muga hori pasatakoen artean. Itsasondo (412,09) 500eko mugatik jaitsi da.
Iazko martxoan osasun krisia hasi zenetik, Goierrin 5.535 COVID-19 positibo kasu izan dira.
| 03/18 | 03/19 | 03/20 | 03/21 | DENERA | |
| Altzaga | 0 | 0 | 0 | 0 | 4 |
| Arama | 0 | 0 | 0 | 0 | 18 |
| Ataun | 4 | 2 | 0 | 4 | 160 (+10) |
| Beasain | 6 | 5 | 8 | 9 | 1.272 (+28) |
| Ezkio eta Itsaso | 1 | 0 | 0 | 0 | 24 (+1) |
| Gabiria | 0 | 0 | 0 | 1 | 12 (+1) |
| Gaintza | 0 | 0 | 0 | 0 | 9 |
| Idiazabal | 1 | 2 | 0 | 2 | 121 (+5) |
| Itsasondo | 0 | 0 | 0 | 0 | 51 |
| Lazkao | 3 | 3 | 4 | 8 | 410 (+18) |
| Legazpi | 0 | 0 | 0 | 3 | 522 (+3) |
| Legorreta | 0 | 0 | 0 | 0 | 138 |
| Mutiloa | 0 | 0 | 0 | 0 | 11 |
| Olaberria | 1 | 3 | 0 | 0 | 51 (+4) |
| Ordizia | 13 | 5 | 6 | 9 | 1065 (+33) |
| Ormaiztegi | 0 | 0 | 0 | 0 | 83 |
| Segura | 0 | 0 | 0 | 0 | 158 |
| Urretxu | 1 | 0 | 0 | 0 | 420 (+1) |
| Zaldibia | 0 | 0 | 0 | 0 | 138 |
| Zegama | 1 | 5 | 1 | 2 | 136 (+9) |
| Zerain | 0 | 0 | 0 | 1 | 13 (+1) |
| Zumarraga | 2 | 4 | 1 | 4 | 718 (+11) |
| GOIERRI | 33 | 29 | 20 | 43 | 5.535 (+125) |
* Datuetan egun batetik bestera egon daitezkeen aldeak, Eusko Jaurlaritzak asteroko datuak eguneratzean egiten dituen aldaketei dagozkio.
