Sokadantzan izena emateko epea, zabalik
Igandea baino lehen egin behar da izen ematea, online. 40 haurrentzako tokia izango da, 20na neska eta mutil
Haurren sokadantza. Loinatz jaietako haurren sokadantzan parte hartu nahi duten haurrek igandea baino lehen eman behar dute izena. Horretarako, txantiloi hau bete behar da. 40 haurrentzako tokia izango da sokan, 20 neska eta 20 mutil. Haur gehiago aurkezten badira, adina izango da zerrenda eratzeko irizpidea. Haur bakoitza zerrendan sartu den ala ez, izena ematean jasotako emailaren bidez jakinaraziko da.
Aurtengo sokadantza berezia izango da, osasun egoerak hala behartuta. Esaterako, ez da bikoterik osatuko.
