Zeraingo Mendarte baserrira bisita antolatu du ZerainLabek larunbaterako
ZerainLab elkarteak nekazaritza ekologikoaren nondik norakoak ezagutzeko bisita antolatu du larunbaterako, apirilaren 17rako. Iñaki Intxausti zeraindarrarekin Mendarte baserriko baratza eta negutegiak bisitatuko dituzte parte hartzaileek. 10:00etan herriko autobus geltokian elkartuko dira, elkarrekin baserrira joateko, eta 12:30era bitartean iraungo du bisitak. Produktu fitosanitarioek ekoizpen ekologikoan duten presentziaren inguruan mintzatuko dira, eta baita negutegiko ekoizpenaz ere.
