KORONABIRUSA

Atzera ere igo egin dira datuak, 49 kasu berrirekin

Osasun Sailaren arabera 49 kasu gehiago atzeman dituzte Goierrin, gehienak Legazpin, Zumarragan, Beasainen eta Ordizian. Hamaika herri daude eragin tasaren 400eko mugaren gainetik.

Goierriko Hitza

Goierri

2021/04/28

Atzo datuek koska bat behera egin bazuten ere, gaur atzera igo egin dira. 49 positiboren berri eman du gaur Osasun Sailak.

Legazpi da, gaur ere, positibo berri gehien dituen herria, 13 kasurekin. Zumarragak 9 ditu, Beasainek eta Ordiziak, berriz, seina. Lazkaon (3), Ezkio-Itsason (2), Olaberrian (2), Seguran (2), Urretxun (2), Zaldibian (2), Ataunen (1) eta Gabirian (1) ere badituzte kasu berriak.

Eragin-tasari dagokionean, Legazpik, Altzagak, Olaberriak eta Zaldibiak dituzte daturik okerrenak; Zumarraga ere, milako langaren gainetik kokatu dira berriz. Urretxu, Gabiria, Itsasondo, Legorreta, Ordizia eta Ataun ere 400eko mugaren gainetik daude; Zegama berriz, jaitsi egin da.

Iazko martxoan osasun krisia hasi zenetik, Goierrin 7.236 COVID-19 positibo kasu izan dira.

	04/27	DENERA	TASA
Altzaga	0	8	1639,34
Arama	0	18	0
Ataun	1	187 (+1)	457,93
Beasain	6	1.519 (+6)	349,48
Ezkio eta Itsaso	2	40 (+2)	1104,10
Gabiria	1	23 (+1)	974,66
Gaintza	0	10	0
Idiazabal	0	142	210,08
Itsasondo	0	67	824,18
Lazkao	3	523 (+3)	603,69
Legazpi	13	823 (+13)	1783,80
Legorreta	0	163	604,03
Mutiloa	0	15	0
Olaberria	2	80 (+2)	1526,72
Ordizia	6	1.268 (+6)	556,11
Ormaiztegi	0	106	391,85
Segura	2	192 (+2)	326,16
Urretxu	2	585 (+2)	966,47
Zaldibia	2	303 (+2)	1266,59
Zegama	0	181	328,73
Zerain	0	13	364,96
Zumarraga	9	960 (+9)	1008,04
GOIERRI	49	7.236 (+49)