Eskuz binakako pilota txapelketa herrikoian izena emateko epea zabalik dago
Datorren maiatzaren 14 arte eman daiteke izena, Emaneurre taldeak 14. aldiz antolatu duen txapelketan.
Ordiziako eskuz binakako pilota txapelketa herrikoia laster hasiko da eta izen emateko epea zabalik dagoela jakinarazi du, txapelketaren antolakuntzaz arduratzen den Emaneurre taldeak.
Parte hartzeko, ondorengo baldintzetatik bat behintzat bete beharko da: Ordizian jaioa izatea; Ordizian erroldatuta egotea; txikitatik Ordizian ikasi izana; Ordiziarekin lotura estua eta jarraia izatea; edo pilotan federatua ez egotea.
Izen ematea
Pilota txapelketa herrikoi honetan parte hartzeko, aldez aurretik izena eman beharko dute bikoteek. Horretarako epea, maiatzaren 14a arte egongo da zabalik.
Izena emateko, emaneurre@gmail.com epostara idaztea da, bikoteko partaideen izen-abizenekin, kontaktuko telefono batekin eta ordainagiriaren kopiarekin. Edozein zalantza argitzeko ere, epostara horretara idatzi daiteke.
