Beasaini bidea amaitu zaio
0 eta 1 galdu zuen atzo, San Inazioren aurkako atzeratutako partidan. Igoera fasean aurrera egiteko aukerarik gabe gelditu dira
Beasainek 0 eta 1 galdu zuen atzo San Inazioren aurkako partida. Igoera fasean aurrera jarraitzeko aukerarik gabe gelditu dira ondorioz, hiru punturen faltan bigarren postua bost puntutara baitute. Beasainek hirugarren mailan jokatuko du 2021/2022 denboraldian, 20.na segidan.
Sailkapena |
||||
| Puntuak | J.P. | A. G. | K. G. | |
| Anaitasuna | 40 | 25 | 30 | 23 |
| Deustu | 39 | 24 | 31 | 27 |
| Santutxu | 39 | 25 | 26 | 30 |
| Beasain | 34 | 25 | 24 | 18 |
| Baskonia | 33 | 25 | 26 | 19 |
| San Inazio | 33 | 24 | 21 | 22 |
Igoera fasean bizirik jarraitzeko aukerei eutsi nahi bazieten partida irabazi beharra zuten. Hasi eta berehala jarri ziren markagailuan atzetik, ordea: Beasaingo atzelari guztiei bizkarra hartu zien San Inazioko aurrelariak zelai erditik sakonean egindako pase bati esker eta Gelbentzu zorte apur batekin gainditu zuen buruz burukoan. Txuri-urdinek erasora egin zuten eta gol aukera garbiak izan zituzten, bigarren zatian bereziki. Baloia sareetara bidaltzea ere lortu zuten, bi bider, baina epaileak jokoz kanpoa adierazi zuen bi kasuetan. Beasaindarrek ez zuten gustura amaitu epailearen lanarekin. Hobeak izan arren, ezin izan zuten punturik batu.
Asteazkenean jokatuko dute faseko seigarren azken partida, Anaitasunaren aurka, kanpoan. Azkoitiarrak multzoko liderrak dira baina oraindik ez dute ziurtatuta hurrengo fasea. Etxean partida bakarra galdu dute denboraldi osoan, gainera. Menderatzeko aurkari zailak izango dira baina aho zapore onarekin amaitu nahi dute fasea.
