Iker Pirisek kontzertua emango du Itsasondon ostiralean
Kontzertura joan ahal izateko izena eman behar da aldez aurretik.
Itsasondoko Musika Zikloaren baitan, Iker Piris gitarra joleak kontzertua emango du. Ostiralean izango da emanaldia, 19:00etan, pilotalekuan. Kontzertura joan nahi dutenek, aldez aurretik izena eman beharko dute hemen.
1979an Tolosa jaio zen, eta gitarra jotzen 14 urterekin hasi zen , oholtzara 1997an lehen aldiz igo zelarik. 2009an musika ikasketak Musikenen bukatu zituen. Ordutik eta 2018. urtera arte “The Romanticos” taldearen liderra izan da.
Bere azken proiektua, Iker Piris & His Dual Electras izenekoa da, bidaide Abdell B. Bop kontrabaxuan eta Andy Martin baterian dituelarik. Electra izeneko albuma grabatu zuten iaz, abesti originalez osatua.
