KORONABIRUSA

Asteburuan beste 38 kasu agertu dira Goierrin

Osasun sailaren arabera, 38 positibo atzeman dituzte eskualdean, ostiraletik igandera. Beasainek, Idiazabalek, Ordiziak eta Zumarragak izan dute igoerarik handiena.

Goierriko Hitza

Goierri

2021/05/31

Ostiraleko igoeraren ondoren, asteburuan ere ez dute atsedenik eman koronabirusaren datuek. Goierrin beste 38 positibo atzeman dituzte, Osasun Sailak gaur argitaratu duen txostenaren arabera.

Igoerarik handiena Beasainek izan du, 14 positibo berrirekin. Haren atzetik daude Idiazabal (5), Ordizia (5), Zumarraga (5), Legazpi (4), Zaldibia (2), Ataun (1), Urretxu (1) eta Zerain (1).

Eragin tasari dagokionean, Mutiloak (6274,51) du, oraindik ere, daturik okerrena, nahiz eta azken zazpi egunetan ez den kasu berririk agertu. Larehuneko mugaren gainetik daude Zerain (1459,85), Zaldibia (1206,27), Idiazabal (756,30), Arama (490,20) eta Legazpi (416,22) ere.

Herririk handienetan, Legazpi da eremu gorrian dagoen bakarra, Beasain, Ordizia eta Zumarraga horian daude, eta Urretxu eremu berdera pasa da, Lazkaorekin batera.

Iazko martxoan osasun krisia hasi zenetik, Goierrin 7.774 COVID-19 positibo kasu izan dira.

	05/28	05/29	05/30	DENERA	TASA
Altzaga	0	0	0	13	0
Arama	0	0	0	20	490,20
Ataun	0	1	0	222 (+1)	286,20
Beasain	6	8	0	1.591 (+14)	149,78
Ezkio eta Itsaso	0	0	0	42	0
Gabiria	0	0	0	24	194,93
Gaintza	0	0	0	10	0
Idiazabal	3	2	0	175 (+5)	756,30
Itsasondo	0	0	0	67	0
Lazkao	0	0	0	537	35,51
Legazpi	2	1	1	942 (+4)	416,22
Legorreta	0	0	0	167	0
Mutiloa	0	0	0	31	6274,51
Olaberria	0	0	0	80	0
Ordizia	1	2	2	1.336 (+5)	148,96
Ormaiztegi	0	0	0	109	235,11
Segura	0	0	0	201	195,69
Urretxu	0	0	1	631 (+1)	43,93
Zaldibia	1	0	1	330 (+2)	1206,27
Zegama	0	0	0	184	131,49
Zerain	0	1	0	17 (+1)	1459,85
Zumarraga	1	4	0	1.054 (+5)	183,28
GOIERRI	14	19	5	7.774 (+38)