Bertso, musika eta dantza eskoletako emanaldiak aste honetan dira
Udaberria loretan egitarauaren barruan ekitaldi ugari antolatu dituzte ekainerako. Bertso eskolako ikasleak ariko dira ostegunean, eta Iztueta dantza taldearena ostiralean. Hezurbeltzak taldeak ere joko du.
Jon Maia, Gorka Hermosa eta 'Piti'-ren Hezurbeltzak taldeak joko du larunbatean. Herriko kultur ekimenetan trebatzen ari diren haurren saioak izango dira aste honetan Zaldibian, Udaberria loretan egitarauaren ekaineko agenda hasteko. Lehenbizi, bertso eskolako ikasleen saioa entzun ahalko da, ostegunean 18:00etan, plazan.
Musika eskolakoek Resti frontoian egingo dute ikasturte bukaerako emanaldia, ostiralean 18:30ean. Iztueta dantza taldeak, berriz, igandean 17:30ean joko du kontzertua, pilotalekuan.
Hezurbeltzak eta sega
Egitarau berean, beste bi ekitaldi ere antolatu dituzte udalak eta Almitzak. Hezurbeltzak hirukoak emanaldia egingo du, Restin, larunbatean 18:30ean. Sarrera 10 euro da. Nazioarteko erako sega lehiaketa ere zapatuan da, 16:00etan, Irastortza aldean.
