Erraldoien ikuskizuna igandera atzeratu dute, eguraldiagatik
Bihar egitekoa zen ikuskizuna igande arratsaldera atzeratu dute.
Biharko 18:00etarako iragarrita zegoen Legazpiko Erraldoien Konpartsaren ikuskizuna igandera atzeratzea erabaki dute, eguraldi txarraren iragarpenen ondorioz. Ikuskizuna Haztegi ikastolako patioan izango da, 18:00etan, baina igandean. Edukiera mugatua denez, sarrera kontralatu egingo da; ateak 17:30ean irekiko dituzte.
Dantza berriak aurkeztuko dituzte ikuskizunean, eta goitik behera berritu dituzten Mikel eta Mikele ere bai.
