Federazio Kopa irabazteko urrats batera dago Ordizia saskibaloi taldea
Gizonezkoen lehen taldeak Tecnun Askatuak taldearen kontra jokatuko du bihar, 16:00etan, Majori kiroldegian. Federazio Kopa dute jokoan.
Ordizia saskibaloi taldearentzat gogorra joan den denboraldia amaitzear da. Izan ere, asteburuan Ordiziako klubeko hiru taldek amaituko dute euren txapelketa ofiziala, gizonezkoen lehen talde seniorrak, emakumezkoen talde juniorrak eta Euskal Ligan lehiatzen ari diren kadete mutilen taldeak.
Nagusienen kasuan, Tecnun Askatuak talde donostiarraren aurka jokatuko dute eta dena ematera ateratzea da egingo duten aukera: irabaziz geroz, Federazio Kopa irabaziko dute goierritarrek; galduta ere, posible dute lider amaitzea eta Kopa irabaztea, baina hiru puntu baino gutxiagogatik galdu beharko dute.
Partida, bihar, larunbata jokatuko dute, 16:00etan, etxean, Majori kiroldegian. Akhonmedia ekoiztetxeak emango du partida, Aupa TV plataformaren bidez, bere youtube kanalean.
